Next Me Token kaise kaam karta hai

Owner ek QR banata hai, customer use scan karke token leta hai, aur dono ko number live dikhta hai. Koi hardware nahi, customer ko app download nahi.

Business owner ke liye

1. Google se login karein aur apna poora naam daalein.
2. Business tab me nayi queue banayein. Business ka naam, token limit aur ek token me kitna time lagta hai, ye set karein.
3. QR print karein ya save karein aur dukaan ke bahar ya counter par lagayein.
4. Phone ya computer par queue ka console kholein. Customer ke naam aur token number live dikhenge.
5. Agla dabakar number aage badhayein. Galti ho to 5 second me Undo.
6. Jinke paas phone nahi, unke liye Walk-in add karein.
7. Din ke end me Din khatam karein. Agle din Dobara shuru karein, wahi QR chalega.

Customer ke liye

1. Counter par lagi QR ko phone se scan karein (camera ya app ke Scan tab se).
2. Google se login karein aur apna naam confirm karein.
3. Token lein. Live screen par bada number dikhata hai kaun sa number chal raha hai, neeche aapka token.
4. Number aane se pehle aas-paas rahein. Intezaar ka andaza sirf anumaan hota hai.

Phone aur computer

Next Me Token browser me chalta hai, to Android, iPhone, tablet, Windows aur Mac sab par khulta hai. Chahein to ise phone ke Home Screen ya computer par app ki tarah install kar sakte hain (Android: Install app, iPhone: Safari me Share, phir Add to Home Screen, computer: Chrome ya Edge ke address bar me install icon). Install karna zaroori nahi.

Awaaz announcement

Console me Awaaz announcement chalu karne par agla number Hindi ya English me bola jata hai. Awaaz tabhi aati hai jab screen chalu ho. Phone lock ya off hone par ya battery saver me awaaz nahi aayegi.

QR na chale to

Har queue ki ek chhoti Book ID hoti hai, jo QR sheet par chhapi hoti hai. Customer website kholkar Book ID likhe to bhi queue khul jati hai.

Video tutorials

Aage padhein